Në periudhën 22-28.04.2018, Projekti i Binjakëzimit “Forcimi i kapaciteteve për zbatimin efektiv të acquis në fushën e mbrojtjes së natyrës” (MK 13 IPA EN 02 17) në bashkëpunim me Institutin Finlandez për Mjedisin, Shërbimin Shtetëror për Mbrojtjen. Zonat e Lituanisë dhe Ministria e Mjedisit dhe Planifikimit Hapësinor, organizuan një vizitë studimore në Lituani. Në vizitën studimore morën pjesë përfaqësues nga Ministria e Mjedisit dhe Planifikimit Hapësinor – Departamenti i Natyrës dhe përfaqësues nga dy pilot zonat e Projektit – Parku Kombëtar Pelister dhe Komuna e Resnjës.
Objektivi i vizitës ishte shkëmbimi i përvojës dhe marrja e njohurive nga Lituania për çështje që lidhen me krijimin dhe zhvillimin e rrjetit ekologjik Natura 2000 dhe përgatitjen dhe zbatimin e planeve të menaxhimit për zonat e mbrojtura/zonat Natura 2000. Gjithashtu, u vizituan zona të mbrojtura të kategorive të ndryshme të mbrojtjes dhe zona Natura 2000, si Parku Kombëtar – Dzukija, Rezervati Strik i Natyrës – Cepkeliai, Rezervati i Biosferës – Zhuvintas dhe Parku Kombëtar – Aukštaitija.
Njohuritë e marra do të ndihmojnë në përgatitjen e planeve për menaxhimin e Parkut Kombëtar Pelister dhe Monumentit të Natyrës Liqeni i Prespës, si një nga rezultatet kryesore në kuadër të komponentit 1 të Projektit të Binjakëzimit.